Über uns
Fotos
Termine
Links
Kontakt
Gästebuch
 

Iwwer uns...

Am Stammtisch tummeln sich Gestalte,

des soll mehr ned fer möglich halte.

Von alle Ecke kumm se her,

mehr kennt so gut wie kenner mehr.

 

Die Alte tun jetzt unne sitze,

die annre tun dort owwe schwitze.

die Bedienunge renne wie wild umher,

vor lauter leit siehsch kää Biker mehr.

 

es werd gegesse unn vezählt,

de Kücke werd de hals gequält.

unn die alte guggen stumm,

uffm ganzeTisch herum.

 

Kumme dun se ach aus Hesse,

dun unser guddes Fleisch wegfresse.

die Schorle kippen se sich in de Hals enoi,

so gut iss ewe nur unser Palzwoi.

 

es kummen Saarlänner unn ach Bayern,

ich frog mich, wie die do hin eiern.

sie kommen uff moppeds gefahre odder geschowe,

unn duns blaue vom himmel erloge.

 

Ned nur uff de Stross, auch im Lokal dut’s heftig Blitze,

dut de anner mit seiner Cam do sitze.

zum fahre kummt mehr ach ned mää,

es Wetter iss joh niemols schää.

 

die Toure, dies ned gibt,

weil meist änner uff de Fresse liegt.

wärn gfahre von de alte Leit,

die neue hänn joh eh kää Zeit.

 

Do kummen Forscher unn ach Fleddrer,

ich wart jo nur uff de erste Bettler.

Do kumme Sprich wie hoschd mol Sprit,

die GS iss mol wieder liege g’blieb.

 

Dann kummen Biker mit Krawatt,

es Hemd an unn e Kapp.

En annre sitzt dort nur am Tisch,

Ob der ned schon gestorbe iss?

 

Dann kummen Heizer ungeloge,

die sin noch niemols abgefloge.

Ham noch niemols Grün gesehe,

des sind die, die im Verkehr rum stehe.

 

De anner dut’s Mopped in de Grawwe schmeisse,

die Grupp zieht vorbei, ganz leise.

Erst noch em Cappu fallt ne uff,

do iss joh enner wenischer druff.

 

Wiedern annre nennt man Stammtischtratsche,

kennste denn brauchst nimmer zum Kiosk latsche.

Der kennt alle und weeß alles,

irgendwie hod der Kerl en dalles.

 

Die Chefin vun der ganze Bande,

fährt die Blade joh nur uff Kante.

Legt se hie und hebt se uff,

im Winter kummt de neie lack joh druff.

 

Dann iss do enner, dem tropst die Kuh,

mach doch äfach eh mol de Benzinhahn zu.

Frog mol den mit em Fun,

der hod dort ach schunn Hörner dran.

 

´S Ballerina, mit dem hod mer Spass,

egal ob drinne oder uff de gass.

Der macht de weg frei, bloß kää bedenke,

dem kann mer eh zelt zum a’zieh schenke.

 

Dann gab’s do ennie war ned oft do,

hatt eh kett um, bestimmt vum Klo.

Hat `n Unfall, wurd nimmer g’sehe,

werd jetzt wohl an de Leine gehe.

 

Um nochmol uff den Photograph zu kumme,

dem iss schon oft es Rad weg g’schwomme.

Des kummt vom Fotografiere ich hab ders geschriwwe,

zu unserm Pech iss die Cam heil gebliewwe.

 

Dann iss do enn Bayer,

den kennt Sepp und de Mayer.

Der hod uff de Grade,

die BMW in die Leitplank noi g’schwade.

 

Dem rote Kopp, dem glüht es Rohr,

hod Wasser im Tank, der ist ned ganz kloor.

Hod was gelese von Wassergekühlt,

unn hod sich de halwwe Auspuff verglüht..

 

Unser Wird, der hinne in de Küch,

erscheint ach ab un zu am Tisch.

Die Händ noch wund vum viele Reibe,

kann awwer ned lang bei uns bleibe.

 

Do iss die Chefin dominant,

er werd sofort zurück verbannt.

Soll was schaffe fer soi Kohle,

bei Biker iss immer was zu hole.

 

Die Sawwerei bleib an ihr hänge,

Er muß jo kräftig Sticker verschenke.

Es sieht manchmal aus, wie vor nem P***,

ich glab mir hern fer heit mol uff.

 

To Be Continued

 

 

© Bomberpilot & Shadowmansven

 

 

 

Unn ned vergesse: Die Enchiladas sinn nie so warm, wie se aus em Offe kumme ;-)

 


Top